Page:Marie de France - Poésies, éd. Roquefort, II, 1820.djvu/387

377

DE MARIE DE FRANCE.

Que li Pastur i sunt alé^[1].
E cil qui près du munt esteient
Et as viles d’entur maneient,
Le Lou virent, si l’escrièrent :
De tutes parz les Kiens huèrent^[2].
Le Lox unt pris e desciré,
E cil a le Buef apelé :50
^[a]Frère, fet-il, bien sai et voi
Malement as proié pur moi ;
Bien poi entendre par le cri
Que c’ert proière d’anemi.
Mult est mavaise ta prière,
Mult est mavaise tel manière,
Mult est mavaise ta proumesse,
Unques mais n’oï pior messe.
^[b]Sire, dit li Bous, par ma fei
Tot autresi proiai pur tei,60
Cum vus volsistes pur mei faire,
Kar estes fel è de put-aire ;

1. Frère, dit-il, en moie foi

2. Par foi, sire, ce dit li Bués
   Autresi priai à vostre oués.

1. Voyez sur aller à cri la note de la fable xvii.
2. Ils appelèrent les chiens de tous côtés.