Page:Marie de France - Poésies, éd. Roquefort, II, 1820.djvu/385

375

DE MARIE DE FRANCE.

En-mi la lande s’arrestut :
Li Leus demanda ke çou dut
K’il s’ert en cele lande mis
E ki l’aveit li dedenz quis.
^[a]Li Bous respunt : jou vus foï^[1]10
Tant cum jeo peu ; or sai de fi
Jeo ne puis mais aler avant^[2],
Pur ce vus sui alez querant.
^[b]Le Lox redit jeo t’arai quis
Par tus les lius de cest païs.
Ce m’est avis, un an entier :
Moult avoie grant desirrier
De ta char mengier, qui est saine,
Tu n’ès mie carchiés de laine.20
Or m’avez, fait li Bués, truvé ;
Si vus requier, par carité,
Qu’aucune merci et pardun
Aiez de vustre cunpaignun.
Li Lux li dit, qant il l’oï,
Geo n’arai jà de toi merci,

1. Li Leus respont ge vos sivi
   Tant com jou poi, or sai de fi
   Ge ne poi mès-fouïr avant.

2. Li Lox respont je t’ai requis.

1. Je vous fuis autant que je peux.
2. Que je ne puis aller plus loin.