Le texte de cette page a été corrigé et est conforme au fac-similé.
346
POÉSIES
Un Leu et faire letre entendre[1].
A, dit li Prestres ; A, dist li Leux
Qi mult est fel et engingneux.
B, dist li Prestres, di od mei ;
B, dist li Leus, la lettre vei.
C, dit li Prestres, di avant ;
C, dist li Lox, a-il dunc tant ?
Li Prestres feit, o di par toi.
Li Loz respunt jeo ne sai qoi.
Di ke t’en samble et si espel
Respunt li Lox, Aignel, Aignel.
Li Prestres dist que verté tuche,
Tel en penssé, tel en la buche.
MORALITÉ.
De plusurs le veit-hum suvent ;
Ce dunt-il pensent veirement
Est par lur buce cunnéu
Ainçois ke d’autrui seit séu.
La buche munstre le penser,
Tut deit-elle de li parler.
- ↑ Apprendre à lire.
