Le texte de cette page a été corrigé et est conforme au fac-similé.
277
DE MARIE DE FRANCE.
Fame n’aras tu pas iqui[1] ;
Plus i a que jeo ne sui,
Qui mult suvent me funt anui[2].
Encuntre moi si fiers se fait
Que ne li caut[3] de mun forfait ;
Chou est, fet-il, la Tur de pière
Qi touz-tans est forz et entière,
Unques ne la puis despécier
Ne par venter affebloier[4] ;
Ainz me reboute[5] si arrière
Que n’ai talent que la requière.
Li Musès respondit à-tant[6]
De ta Fille n’ai-ge talant[7] ;
Ne doi plus bas Fame coisir
Q’a moi ne doie apartenir,
Fame prendrai à grant honur
Or m’en irai jusqu’à la Tur.
- ↑
Ne de basse fame choisir.