Page:Marie de France - Poésies, éd. Roquefort, II, 1820.djvu/289

269

DE MARIE DE FRANCE.

De quel heure qu’il avendreit
Que bien è mal feire porreit.
Li Vileins en mèsun ala^[1]
La rèsun sa Fame cunta
^[a]Qu’il ot oïe de la Serpent ;
Et ele dist hastivement30
Que se il sun cunseil velt creir
A mult bun chief en purreit treire^[2].
Ocie lou, si fera bien
Puis nel’ creindra de nule rien^[3].
En doute en est et en merci,
Bien se deit délivrer de li,
N’aura doute de sun meffet ;
Le pocon^[4] li port plain de let
Puis l’a assis à terre jus,
Si se trait un petit en sus40
Qant la Sarpenz venra avant
Sa hache poigne bien tranchant

1. Que li avoit dit le Serpent,
   Ele respont isnelement
   S’il en voloit son conssel fère,
   Qu’il en porroit à bon chief trère.

1. Le Vilain retournant dans sa maison.
2. Terminer d’une manière satisfaisante.
3. Puis vous ne le craindrez plus.
4. Petit pôt. Les manuscrits portent : boucel, bousquet busquet.