Page:Marie de France - Poésies, éd. Roquefort, II, 1820.djvu/280

260

POÉSIES

^[a]Entr’aus en tiegnent mult grant plet^[1]
Si demandent ki ot ce fet,
Qui le cuer lor aveit emblé ;
^[b]A tuz en funt hunte et vilté.
Lors les Bestes qui esteient près,
Sorent le Goupil moult engrès^[2],30
E mult félun è véziié ;
Dient qu’il a le cuer mengei.
Dunt unt le Werpil apelei
Si li unt le cuer demandé.
Il lor jura par sairement^[3]
Qu’il ne l’aveit wéu nient ;
Segnurs, dist-il, j’affierai^[4],
Que unkes le cuer ne menjai,
Pior sereie q’autre beste,
L’en me devreit trenchier la teste40
S’encuntre le mal mon Sengnour
Eusse fet si grant desounour.

1. Entre ax en mainent un grant plait.

2. A touz ot fait molt grant vilté.

1. Assemblée, conférence, querelle, dispute, débat. Voy. la note de la fab. xlviii.
2. Reconnaissant dans le renard un animal impie, avide.
3. Voyez sur le serment la note de la fable xxxvii.
4. Je donnerai ma foi.