Le texte de cette page a été corrigé et est conforme au fac-similé.
113
DE MARIE DE FRANCE.
Souz son mantel le fist mucier[1]
Sel’ fist les autres abaier ;
Dunc s’est li Asnes purpenseiz
Ke melx dou Chien vaut-il asseiz
E de biauté è de grandor ;
Melx saureit-il à son Sengnor
Joer ke li Chienés petiz,
E melx sereit oïs ses criz ;
Miex le saureit des piez férir[2]
E miauz saureit sus li sailir[3].
Pur fol se tient k’à lui ne vet
E k’à sa voiz ne crie è bret
Cum feit li Chiens seur son Seignur.
Ensi avint ke par un jur
S’aleit li Sires déduisant[4],
E au petit Chiennet juant ;
Nel’ pot li Asnes plus sufrir,
Vers Sun Seingnur prist à venir,
Seur lui commance à rechaner[5]
Ke tut le fet espoenter,
Des piez le fiert, suz lui sailli
- ↑
Tint le Chienet, s’ala juant.
