Se il seust que ele senteit,
E cum l’amurs la destragneit,
Mut en fust liez mien ensient ;
Un poi de rasuagement
Li tolist auques la dolur,
Dunt il ot pâle la colur.
Se il ad mal pur li amer,
Ele ne s’en puet nient loer.
Par matinet einz la jurnée
Esteit la Dame sus levée,
Veillié aveit ; de ceo se pleint ;
Ceo fait Amurs qui la destreint.
La Pucele qui od li fu,
Ad le sanblant apercéu
De sa Dame que jà amout
Le Chevalier qui sojurnout
En la chambre por guarisun,
Mès el ne set se l’aime u nun.
La Dame est entrée el mustier,
E cele vait al Chevalier ;
Asis se sunt devant le lit,
Et il l’apele, si li dit :
Amie, ù est ma Dame alée,
Purquoi est-el si tost levée ?
A-tant se tut, si suspira.
La Meschine l’areisuna ;
Sire, fist-ele, vus amez.
Gardez que trop ne vus célez.
Page:Marie de France - Poésies, éd. Roquefort, I, 1820.djvu/96
Cette page a été validée par deux contributeurs.
80
LAI DE GUGEMER.
![](http://upload.wikimedia.org/wikipedia/commons/thumb/7/7c/Marie_de_France_-_Po%C3%A9sies%2C_%C3%A9d._Roquefort%2C_I%2C_1820.djvu/page96-1024px-Marie_de_France_-_Po%C3%A9sies%2C_%C3%A9d._Roquefort%2C_I%2C_1820.djvu.jpg)