Cele fu noit è jur gardée.
De l’altre part fu clos de mer
Nuls ne pout issir ne entrer,
Si ceo ne fust od un batel,
Qui busuin éust ù castel.
Li Sire out fait dedenz le meur,
Pur sa femme metre à seur.
Chaumbre souz ciel n’out plus bele ;
A l’entrée fu la capele :
La caumbre ert painte tut entur ;
Vénus la dieuesse d’amur,
Fu très bien mis en la peinture,
Les traiz mustrez è la nature,
Cument hum deit amur tenir,
E léalment è bien servir.
Le livre Ovide ù il ensegne,
Coment cascuns s’amour tesmegne,
En un fu ardent les jettout ;
È tuz iceux escumengout,
Ki jamais cel livre lireient,
Et sun enseignement fereient[1].
Là fu la Dame enclose è mise ;
Une Pucele à sun servise[2],
Li aveit ses Sires bailliez,
Ki mult ert France è ensegniez.
Sa nièce ert, fille sa sorur,
Entre les deus ont grant amur,
Od li esteit quant il errout,
- ↑ Le Grand d’Aussy, Fabliaux in 8° tome III, page 258,
à la note, fait une réflexion fort juste. Cette idée est ingénieuse,
dit-il, mais est-ce là le tableau qu’un jaloux devoit faire représenter ? - ↑ On comprenoit sous le titre de Pucelle, toute fille
âgée de quinze à vingt-cinq ans, de quelque condition qu’elle
fût. Ce nom étoit également donné à la fille d’un grand seigneur,
comme à la fille du paysan. Pucellette étoit la jeune fille qui
n’étoit pas encore nubile. Dans la Picardie, l’Artois et la
Flandre, on appelle les premières G... et les secondes Garcettes
et ces expressions ne sont jamais prises en mauvaise
part.
