Cette page a été validée par deux contributeurs.
560
LAI DE L’ESPINE.
Icele nuit fist à estrous,
Gaitier au Gué Aventurous ;
Et qant li jors trait vers le soir
Li Chevaliers ot bon espoir ;
De toutes armes est armés[1],
Sor un bon cheval est montés,
Droit au Gué de l’Espine vait.
Et la Damoisiele ke fait ?
Seule s’en entre en un vergier,
Por son ami i molt proier,
Que sains et saus Diex le ramaint ;
Giéte un soupir et dont se plaint.
Puis s’est assise sor une ente[2].
A soi méisme se demente,
Et donques dist : Père célestre,
Se onques fu, ne jà puet estre,
C’onques avenist orement,
Et chou c’on prie à nule gent,
Par coi nus hom fust deshaitiés,
Biaux Sire, prenge t’en pitiés
Que li miens Amis od moi fust,
Et jou od lui s’estre péust.
Eh Diex ! com seroie garie,
Nus ne set com j’ai dure vie,
