L’amour connut tout en apert,
De coi li uns à l’autre sert,
Mout fu dolante la Roïne ;
Par le puins saisist la Meschine.
Le Roi le Varlet gardera,
En sa Court garder le fera,
Ensi seront bien desevré ;
Esgardés ke ce soit celé.
A-tant laissent le parlement ;
Mais cil ki à duel faire entent,
Por nule riens il ne demeure,
A sen père vint à cele eure,
S’entendement met à raison.
Sire, fait-il, je quier un don ;
Se de rien me volés aidier,
Que vous me faites Chevalier,
Car aler veul en autre terre
En saudées pour pris conquerre
Trop ai gaitié la cheminée,
S’en sai mont mains férir d’espée.
Li Rois pas ne l’en escondit,
Toute sa requeste li fist ;
Puis li a dit que il séjourt,
Encore un an dedenz sa Court[1] ;
Entretant sive les tornois,
- ↑ Dedens un an ens sa Court.
