Cette page a été validée par deux contributeurs.
538
LAI DE GRAELENT
Coment le poent vos cœurs sufrir ?
Trop par li estes ore dure,
Aidiés li, car en prenés cure.
Damoisele, vostre amis nie,
Soffrés qu’il ait un peu d’aïe ;
Vus avés de lui grant pécié.
La Damoisele en ot pitié
De çou qu’ele les ot se plaindre,
Ne se puet mais celer ne faindre.
Hastiuement est returnée,
A la rivière en est alée,
Par les flancs saisist son ami,
Si l’en amaine ensanble od li.
Qant d’autre part sunt arivé,
Ses dras mulliés li a osté,
De sun mantel l’a afublé,
En sa terre l’en ad mené
Encor dient cil du païs
Que Graelent i est tous vis.
Ses destriers[1] qui d’eve eschapa,
Pur sun Segnur grant dol mena :
En la forest fist son retur,
Ne fu en pais ne nuit ne jur ;
- ↑ Et non gesdefers, comme l’avoit lu d’abord Sainte-Palaye
dans la copie qu’il a faite de ce Lai ; ensuite Le Grand
d’Aussy dans ses Fabliaux in-8o t. I, p. 120 et 132. Voy. Notices
des Manuscrits, t. IX, seconde partie, p. 6.
