Unques mais hum de tun parage
Ne fist tel fait ne tel folage ;
De ta femme fais mustrisun,
Qu’il n’a çaiens un seul Barun,
Cui tu ne le faces loer,
Dient qu’il n’a sous ciel sa per :
Pur veir vus di une nuvele,
On puet assés truver plus bele.
Li Reis l’oï, mult l’en pesa,
Par sairement le cunjura
S’il en saveit nule plus gente :
Oïl, dist-il, qui vaut tès trente.
La Roïne mut s’en mari,
A sun Segnur cria merci,
K’au Chevalier face amener
Celi qu’il i oï loer,
E dunt i fet si grant vantance :
Entre nos dex seit la mustrance ;
S’ele est si bele, quite en seit,
U se ce nèn, fètes m’en dreit
Del’ mesdit è de la blastenge.
Li Rois cumande k’on le prenge,
N’aura de lui amur ne pais,
De prisun n’istera jamais ;
Se cele n’est avant mustrée
Que de biauté a tant loée.
Graelens est pris è tenus,
Mix le venist estre téus :
Page:Marie de France - Poésies, éd. Roquefort, I, 1820.djvu/536
Cette page a été validée par deux contributeurs.
520
LAI DE GRAELENT
