Cette page a été validée par deux contributeurs.
518
LAI DE GRAELENT
K’il ne sevent nule si bele
Mescine, Dame ne Pucele :
N’i ot un seul ne le prisast,
E sa biaté ne li loast,
Fors Graelent qui s’en taiseit,
A sei méisme surieit :
En sun cuer penseit à s’Amie,
Des autres teneit à folie
Ki de tutes parts s’escrioient,
E la Roïne si looient :
Sun cief cuvri, sun vis baissa
E la Roïne l’esgarda,
Le Roi le mustra sun Seignur,
Voiés, Sire, quès deshonur !
N’avez Barun ne m’ait loée,
Fors Graelent qui m’a gabée.
Bien sai qu’il m’a piéça haïe[1],
Jeo cuit qu’il a de moi envie.
Li Rois apela Graelent,
Demanda li, oïant la gent,
Par la foi que il li deveit,
Qui ses naturex hum esteit
Ne li celast, ains le désist
Pur-qoi baisa sun cief et rist.
Graelens respundi au Rei,
Sire, dit-il, entent à mei :
- ↑ Piéça, il y a long-temps.
