Cette page a été validée par deux contributeurs.
LAI DE GRAELENT.
L’aventure de Graelent
Vus dirai si que jeo l’entent :
Bun en sunt li Lai à oïr
E les notes à retenir.
Graalent fu de Bretuns nés,
Gentix è bien enparentés ;
Gent ot le cors è franc le cuer,
Pur çou ot nun Graalent-Muer[1]
Li Reis qui Bretaigne teneit
Vers ses veisins grant guerre aveit ;
Chevaliers manda et retint,
Bien sai que Graelens i vint.
Li Rois le retint vulentiers
Pur çou qu’il iert biax Chevaliers,
Mut le chéri è honera,
E Graelent mut se péna
De turnoier è de joster,
E de ses anemis grever.
La Roïne l’oï loer,
E les biens de lui racunter :
- ↑ Pour Graalent-Mor, ainsi qu’on peut le voir à la fin.
