Qui joïe li féist aveir,
Ceo vus peot-humme dire por veir.
Il quide ke vus séez morte,
A merveille se descunforte,
Chescun jur vus ad regardée,
Quide k’il vus trova pasmée,
Jeo sui sa spuse véreiment
Mut ai pur li mun quer dolent,
Pur la dolur ke il menot,
Saveir voleie ù il alot.
Après lui vins si vus trovai,
Que vive estes grant joie en ai,
Ensemble od mei vus enmenrai,
E à vostre ami vus rendrai.
Del’ tut le voil quite clamer,
E si ferai mun chef veler ;
Tant l’ad la Dame confortée,
Qu’ensemble od lui l’en ad menée.
Sun Vallet ad appareillé
E pur sun Seignur envéié ;
Tant errat cil, qu’il le trova,
Avenantment le salua,
L’aventure li dit è cunte ;
Sur un cheval Eliduc munte,
Une n’i atendi cumpainun,
La nuit revint à sa meisun.
Quant vive ad trovée s’Amie
Ducement sa femme mercie,
Page:Marie de France - Poésies, éd. Roquefort, I, 1820.djvu/494
Cette page a été validée par deux contributeurs.
478
LAI D’ELIDUC.
