Par le pié l’en ad jeté fors,
Les undes enportent le cors ;
Puisqu’il l’ot lancié en la mer,
Al estière vait guverner,
Tant guverna la neif è tint,
Le hafne prist à tère vint.
Quant il furent bien arivé
Le pont mist jus, ancre ad geté ;
Encor jut-ele en paumeisun
Ne n’ot semblant si de mort nun.
Eliduc feseit mut grant doel,
Iloc fust mort od li sun voel,
A ses cunpainuns demanda,
Queil cunseil chescun li dura.
U la Pucele portera,
Kar de li jà ne partira,
Si serat enfuie è mise
Od grant honur, od bele guise,
En cimiterie benéeit,
Fille ert à Rei s’en aveit dreit.
Cil en furent tut esgaré
Ne li aveient rien loé ;
Eliduc prist à purpenser,
Quel part il l’a purrat porter.
Sis recez fu près de la mer,
Estre i peust à sun deigner ;
Une forest aveit entur
Trente liwes ot de lungur.
Page:Marie de France - Poésies, éd. Roquefort, I, 1820.djvu/478
Cette page a été validée par deux contributeurs.
462
LAI D’ELIDUC.
