Qu’ele eust meffet u mespris,
Tant cum il fut hors del’ païs,
Volenters s’en esdrescera,
Devant sa gent quant li plaira.
Dame, fet-il, ne vus aret
De mesprisiun, ne de meffet :
Mes al païs ù j’ai esté
Ai al Rei plevi è juré
Que jeo dei à lui repeirer
Kar de mei ad bien grant mester ;
Si li Rei mis Sires aveit peis,
Ne remeindreie oit jurs après.
Grant travail m’estuvra suffrir,
Ainz que jeo puisse revenir,
Jà desi que revenu seie
N’averai joie de rien que veie,
Kar ne voil ma feie trespasser ;
A-tant le lest la Dame vester.
Eliduc od Sun Seignur fu,
Mut li ad aidé è valu ;
Par le cunseil de lui errot,
E tute la tere gardot,
Mes quant li termes apreça
Que la Pucele li numa
De pais fère s’est entremis,
Tuz accorda ses enemis :
Puis s’est appareillé d’errer,
E quel gent il vodra mener.
Page:Marie de France - Poésies, éd. Roquefort, I, 1820.djvu/468
Cette page a été validée par deux contributeurs.
452
LAI D’ELIDUC
