De li véer, è de parler,
E de baiser, è d’acoler ;
Mès ja ne li querra amur,
Ke li turt tant à deshonur.
Tant pur sa femme garder fei,
Tant cume il est od li Rei :
En grant peine fu Elidus,
Il est munté ne targe plus,
Ses cumpainuns apele sei,
Al chastel vet parler al Rei.
La Pucele verra s’il peot
C’est l’acheisun pur quoi s’esmeot ;
Li Reis est del’ manger levez,
As chambres sa fille est entrez,
As eschés cumence à juer
A un Chevaler d’utre-mer ;
Del’ autre part del’ escheker,
Devent sa fille enseigner.
Elidus es alez avant,
Le Reis li fist mut bel semblant ;
De juste lui séer le fist,
Sa fille apele, si li dist :
Dameisele, à cest Chevaler
Vus devriez bien aquinter,
E fère lui mut grant honur,
Entre cinc cenz n’en ad meillur.
Quant la Meschine ot escuté,
Cao que sis Sires ot cumandé,
Page:Marie de France - Poésies, éd. Roquefort, I, 1820.djvu/450
Cette page a été validée par deux contributeurs.
434
LAI D’ELIDUC.
![](http://upload.wikimedia.org/wikipedia/commons/thumb/7/7c/Marie_de_France_-_Po%C3%A9sies%2C_%C3%A9d._Roquefort%2C_I%2C_1820.djvu/page450-1024px-Marie_de_France_-_Po%C3%A9sies%2C_%C3%A9d._Roquefort%2C_I%2C_1820.djvu.jpg)