Vus estes tuz humes le Rei,
Si li devez porter grant fei.
Venez od mei là ù j’irai,
Si fètes ceo que jeo ferai :
Jo vus asséur léaument
Jà ni aurez encumbrement,
Ne tant cum jeo vus puis aider,
Si nus ne pouvum rien gainer.
Ceo nus iert trop à grant pris
De damagier nos enemis
Icil unt pris la séurté ;
Cil unt desi qu’al bois mené,
Près del’ chemin sunt enbuschié
Tant que cil se sunt repeirié.
Eliduc lur ad tut mustré,
E enseigné, è devisé,
De quel manère à eus puindrunt,
E cum il les escrierunt.
Quant al destreit furent arivez,
Eliduc les ad escriez,
Tuz apela ses cumpainuns,
De bien faire les ad sumuns :
Il i fièrent durement,
Nes’ esparnièrent néant.
Cil estéïent tut esbaï
Tost furent rumpu è départi ;
En poi de hure furent vencu,
Lur Cunestable unt retenu,
Page:Marie de France - Poésies, éd. Roquefort, I, 1820.djvu/430
Cette page a été validée par deux contributeurs.
414
LAI D’ELIDUC.
![](http://upload.wikimedia.org/wikipedia/commons/thumb/7/7c/Marie_de_France_-_Po%C3%A9sies%2C_%C3%A9d._Roquefort%2C_I%2C_1820.djvu/page430-1024px-Marie_de_France_-_Po%C3%A9sies%2C_%C3%A9d._Roquefort%2C_I%2C_1820.djvu.jpg)