Sire, funt-il, od vus irum
E ceo que vus ferez ferum ;
Il lur respunt, vostre merci.
Aureit-il nul de vus ici
Ki maupas u destreit séust
U l’um encumbrer les péust ?
Si nus ici les atendums,
Peot cel estre nus justerums.
Mès ceo n’atent à nul espleit,
Ki autre cunseil en saveit ;
Cil li dient, Sire, par fei,
Près de cel bois en cel ristei,
Là ad une estreite charrière,
Par unt ils respeirent arrière :
Quant averunt fet lur eschec,
Si returnerunt par ilec.
Desarmez sur lur palefrez
Si s’en revunt sovente fez ;
Si se mettent en aventure
Cum de murir à dréiture :
Bien-tost les poreit damagier,
E eus laidier è empeirier.
Eliduc lur ad dit : Amis,
La meie fei vus en pleivis,
Ki en tel liu ne va suvent,
U il quide perdre ascient ;
U jà guères ne gainera,
Ne en grant pris ne muntera.
Page:Marie de France - Poésies, éd. Roquefort, I, 1820.djvu/428
Cette page a été validée par deux contributeurs.
412
LAI D’ELIDUC.
