E sun Segnor od lui menra.
En une abéie venrunt
Pur une tumbe quil verrunt ;[1]
Orunt nuveles de la mort,
E cum il i fu mis à cort.
Ileuc li baillerez l’espée,
L’Aventure li seit cuntée
Cum il fu nés, qui l’engendra,
Assez verrunt qu’il en fera.
Quant tut li ot dit è mustré,
Un cier bliaut li a duné ;
Si li cumanda à vestir,
Puis l’ad faite de lui partir ;
Ele s’en va, l’anel enpourte,
E l’espée qui la confourte.
A l’isséue de la cité
Si n’eut pas demie liue alé,
Quant ele oï les sains soner,
E le doel el castel lever,
Pur lur Segnur qui dévioit ;
Cele set bien que mors estoit.
De la dolur que ele en a
Quatre foués si se pasma ;
E quant de pasmeisun revint,
Vers la hoge sa voïe tint :
Dedens entra, oltre est passée,
Si s’en reva en sa cuntrée ;
Ele revint dedens sa tor[2]
Page:Marie de France - Poésies, éd. Roquefort, I, 1820.djvu/320
Cette page a été validée par deux contributeurs.
304
LAI D’YWENEC.
