Il l’a ducement cunfortée.
Bele amie, pur Diu vus pri,
Alez vus-ent, tolez de-ci,
S’enprès murrai enmi le jur,
Çaiens aura si grant dolur
Se vus i estiez truvée,
Tutes en seriez turmentée.
Bien ert entre ma gent séu
K’il m’unt par vostre amur perdu,
Pur vus sui dolant è pensis.
La Dame li a dit, Amis,
Je veuil ensenble od vus murir,
Sus mun Segnur paine suffrir,
S’à lui revois il m’ocira ;
Le Cevalier l’a rasseura,
Un anel d’or li a baillié ;
Si li a dit et ensengnié,
Jà tant com el le gardera,
A sun segnor ne membrera.
Se rien nule que faire doit
Ne ne le tenra en destroit ;
S’espée li coumande et rent,
Après le conjuire et deffent,
Que jamais hum n’en soit saisis,
Mais bien le gart aveuc sen Fis.
Quant il sera créus è grans
E Chevaliers preus è vaillans,
A une feste ù Ele ira
Page:Marie de France - Poésies, éd. Roquefort, I, 1820.djvu/318
Cette page a été validée par deux contributeurs.
302
LAI D’YWENEC.
