Se li segré vus sunt oscur
Gardez que séiez asséur.
Si faites de moi vostre ami,
Pur ce su-geo venus ici ?
Jeo vus ai longement amée,
E en mun cuer mult désirée !
Unques fors vus fame n’amai,
Ne jamès autre ne ferai.
Mès ne pooie à vus venir,
Ne fors de mun païs issir,
Se vus ne m’éussiez requis,
Or puis bien estre vostre amis.
La Dame se raséura,
Sun chief descuvri, si parla :
Le Chevalier a respundu
E dit qu’elle en fera son Dru,
S’en Dieu créust et ainsi fust.
Que lor amor estre péust :
Car mut par a de grant biauté ;
Unques un jour en sun aé,
Si beau Chevalier n’esgarda,
Ne si bel jamès ne verra.
Dame, fet-il, vus dites bien
Ne voudreie pur nule rien,
Que de moi i ait acheson,
Mescréance, ne souspeçon :
Ge croi très bien le Criatour,
Qui vus geta de la tristour,
Page:Marie de France - Poésies, éd. Roquefort, I, 1820.djvu/298
Cette page a été validée par deux contributeurs.
282
LAI D’YWENEC.
