Cette page a été validée par deux contributeurs.
280
LAI D’YWENEC.
Biax è curteis, preux è vaillans,
Si que blasmées n’en estoient,
Nés nus fors elles nes’ veoient,
Se ce puet estre ne ce fu,
Onques a nul est avenu ;
Diex ki de tout a poosté,
Il en face ma volenté.
Quant Elle ot fait sa plainte issi,
L’umbre d’un grant Oisel choisi,
Parmi une estreite fenestre,
Ele ne set que ce puet estre :
En la chambre volant entra,
Giez ot espiez, Ostoir sembla,[1]
Deci ne mues fu où désis,
Il s’est devant la Dame assis :
Quant il i ot un poi esté,
Et ele l’ot bien esgardé,
Chevaliers biaus è gens devient ;
La Dame à merveille le tient,
Li sans li remut è frémi,
Grant poor eut, son chief covri.
Mut fu curteis li Chevaliers,
Il l’a arésouna premiers :
Dame, fet-il, n’aiez poor,
Gentilz oisel a en Ostor :
- ↑ Les Giez étoient les liens, les courroies, les attaches pour retenir les oiseaux de proie et pour leur bander les yeux.
