Cist vielz jalous de quoi se tient,
Ki en si grant prisun me tient ?
Mut par est fols et esbahiz,
Il crient estre tus-jurs trahiz.
Ge ne puis au mustier venir,
Ne le Servise-Dieu oïr ;
Se je poisse à gent parler,
Et en déduit o lui aler,
Ge li moustrasse biau semblant,
Jà ne n’éusse-jeo talent !
Malooit seient mi parent,
E li autre communement,
Qui à cest jalus me donèrent,
E de sun cors me marièrent.
A forte corde trait è tir,
Il ne porra jamès morir ?
Quant il dut estre baptisiez,
Si fu el flun d’Enfer plungiez.
Durs sont li nerf, dures les vaines,
Qui de vif sanc sunt tutes plaines ;
Mut ai oï suvent cunter,
Que um souleit jadis truver,
D’avantures en cest païs,
Qui esrachoient les pensis.
Chevaliers truvoient Puceles
A lor talent, gentes è beles :
E Dames truvoient des Amans,
Page:Marie de France - Poésies, éd. Roquefort, I, 1820.djvu/294
Cette page a été validée par deux contributeurs.
278
LAI D’YWENEC.
