Cette page a été validée par deux contributeurs.
234
LAI DE LANVAL.
Jeo quit qu’il en i ot trois cent,
Ki fésissent tut lur pooir,
Pur lui saus par délivre avoir.
Il est retés de mut grant tort ;
Li Rois demande le recort,
Selunc le claim è les respuns,
Or est del’ tut en ses Baruns.
Il sunt au jugement alé,
Mut sunt pensiu et esgaré,
Del’ franc hume d’autre païs,
Qui entre eux est si entrepris ;
Encunbrer le veulent plusur,
Pur le volunté lor Segnur :
Ce dist li Duc de Cornouaille,
Jà en-droit nus n’i ara faille.
Car qui k’en plort ne qui k’ençant,
Se droit estuet aler avant.
Li Rois parla vers un vassal
Que je vus oï irou ni Lanval,[1]
De félounie le reta,
E d’un meffait l’ocoisonna,
D’une amur dunt il se vanta,
E ma Dame s’en cureça.
Nus ne l’apele fors le Rei,
Par cele fei que je vus dei ;
- ↑ Ce vers très-fautif est ainsi dans le manuscrit.
