Cette page a été validée par deux contributeurs.
208
LAI DE LANVAL.
Le voir vus en dis-jeo sans faille.
L’autre purteit une touaille ;
Eles en sunt alées dreit
Là ù li Chevaliers giseit.
Lanvax qui mut fu ensegniez
Cuntre eles s’est levés en piez ;
Celes l’unt primes salué,
Le message li unt cunté.
Sire Lanval, ma Dameisele
Ki mut est curteise et bele,
Ele nus enveie pur vus
Car i venrez ensanble od nus.
Sauvement vus i cunduiruns,
Véez, près est ses paveilluns.
Li Chevaliers aveuc s’en veit,
De sun cheval ne tient nul pleit
Ki devant lui paiseit ù pré ;
Desi qu’al tré l’unt amené
Qui mut fu biax è bien assis.
La Roïne Sémiramis
