Dunt vus vient-il, kil’ vus dona,
Kar me dites kil’ vus bailla !
La meschine li respundi ;
Dame, m’Aunte ki me nuri,
L’Abbéesse kil’ me bailla
A garder le me comanda.
Cest è un anel me baillèrent
Cil ki à nurir m’enveièrent.
Bele, pois-jeo véer l’anel ?
Oïl Dame, céo m’est bel.
L’anel li ad dunc aporté,
E ele l’ad mut esgardé,
E l’ad très bien reconéu
E le pali k’ ele ad véu.
Ne dute, mès bien seit è creit,
Qu’ele mesme sa fille esteit.
Oiant tuz dist ; ne céil mie,
Tu es ma fille, bele amie !
De la pité ke ele en a,
Arière cheit, si se pauma :
E quant del’ paumeisun leva
Pur sun Seignur tost envéia.
E il vient tut effréez.
Quant il est en chambre entrez,
La Dame li chéi as piez,
Estréitement l’ad baisiez ;
Pardun li quert de sun meffait.
Il ne saveit nient del’ plait ;
Page:Marie de France - Poésies, éd. Roquefort, I, 1820.djvu/186
Cette page a été validée par deux contributeurs.
170
LAI DEL FREISNE.
