Sur le Freisne les dras choisist,
Quidat ke aukun les ust prist
En larecin, è iloec mis :
D’autre chose n’ot-il regard,
Plus tost qu’il pot vint cele part,
Taste, si ad l’Enfant trové,
E il ad Deu mut mercié ;
E puis l’ad pris, si ne le laist,
A sun ostel arière vait.
Une Fille ot qui vedve esteit.
Sis Sires fut mort, Enfant aveit,
Petit en berz è aleitant.
Li Preudum l’apelat avant :
Fille, fet-il, levez, levez,
Fu è chaundele alumez ;
Un enfaunt ai ci aporté,
Là fors el Freisne l’ai trové.
De vostre lait le alaitez,
Eschaufez-le è sil’ baignez.
Cele ad fet sun comandement,
Le feu alum è l’Enfant prent ;
Eschaufé l’ad è bien baigné
Puis l’ad de sun leit aleité.
Entur sun braz treve l’anel,
Le pali virent riche è bel,
Bien surent cil tut ascient,
Qu’ele est née de haute gent.
El demain après le servise,
Page:Marie de France - Poésies, éd. Roquefort, I, 1820.djvu/168
Cette page a été validée par deux contributeurs.
152
LAI DEL FREISNE.
