Les turs, les murs, è le clochier,
Hastivement est là venue,
Devant li hus est arestue.
L’Enfant mist jus qu’ele aporta,
Mut humblement s’agenuila,
Ele comence s’oreisun.
Deus, fait-ele par tun seint nun,
Si céo te vient à pleisir,
Cest Enfant garde de périr.
Quant la prière out finée,
Arière s’est regardée,
Un Freisne vit lé è branchu,
Et mut espès è bien ramu ;
E quatre fois esteit ramé,
Por umbre faire i fut planté.
Entre ses braz ad pris l’Enfant,
Desi qu’al Freisne vient corant ;
Desuz le mist, puis le lessa,
A Deu de veir le comanda.
La Dameisele arière vait,
Sa Dame cunte qu’ele a fait.
En l’abbéie ot un Porter
Ovrir suleit l’us del muster,
Defors par unt la gent veneient,
Quil’ service Deu oïr voleient.
Icele nuit par tens leva,
Chandeille è lampes alluma,
Le seins sona, è l’us ovri ;
Page:Marie de France - Poésies, éd. Roquefort, I, 1820.djvu/166
Cette page a été validée par deux contributeurs.
150
LAI DEL FREISNE.
![](http://upload.wikimedia.org/wikipedia/commons/thumb/7/7c/Marie_de_France_-_Po%C3%A9sies%2C_%C3%A9d._Roquefort%2C_I%2C_1820.djvu/page166-1024px-Marie_de_France_-_Po%C3%A9sies%2C_%C3%A9d._Roquefort%2C_I%2C_1820.djvu.jpg)