Qui mut estéit de franche orine
Lung-tens l’ot gardée è nurie,
E mut amée è mut chérie.
Cèle oï sa Dame plurer,
Durement pleindre è doluser ;
Anguissusement li pesa,
Ele vient, si la cunforta.
Dame, fet-èle, ne vaut rien :
Lessez cest dol, si ferez bien.
L’un des enfanz me baillez ça,
Jeo vus en déliverai jà,
Si que honie ne serez,
Ne ke jamès ne la verez.
A un mustier la geterai,
Tut sein è sauf la porterai ;
Aucun Preudhum la trovera,
Si Deu plaist nurir la fera.
La Dame oï que Cele dist,
Grant joie en out, si li promist
Si cel service li feseit,
Bon guerdun de li avereit.
En une chince de chesil,
Envlupèrent l’enfant gentil ;
E desus un paile roé ;
Ses Sires li ot aporté
De Costentinoble ù il fu,
Unc si bon ne èrent véu.
A une pice de sun laz,
Page:Marie de France - Poésies, éd. Roquefort, I, 1820.djvu/162
Cette page a été validée par deux contributeurs.
146
LAI DEL FREISNE.
