Cuntre celui qu’il guerréia.
Moult a semons de Cevaliers[1]
Gugemer fu tous li premiers.
Il li manda par gueredun,
Si cum ami è cumpainun,
K’a cel busuin ne li falist,
E en s’aïe à lui venist :
Alez i est mut richement
Chevaliers mène plus de cent.
Mériadus à grant honur[2]
Les herberga dedenz sa tur ;
Encuntre li sa serur mande,
Par deus Chevaliers li commande,
Que s’aturne è vienge avant,
È la Dame qu’il aime tant ;
Cele ad fet sun coumandement.
Vestuës furent richement,
Main à main vinrent en la sale ;
La Dame fu pensive è pâle.
Ele oï Gugemer nomer,
Adunc ne peut sor piés ester,
Se cèle ne l’éust tenue,
Ele fust à terre chéue.
Li Chevaliers cuntre eus leva
La Dame vit è esgarda.
E sun semblant è sa manière,
Un petitet s’est tret arière.
Est-ceo, fet-il, ma duce Amie,
Page:Marie de France - Poésies, éd. Roquefort, I, 1820.djvu/120
Cette page a été validée par deux contributeurs.
104
LAI DE GUGEMER.
