Cette page n’a pas encore été corrigée
À ELLE MESME
Sur son Anagramme.
Marguerite de Rohan.
Rare Image d’honneur.
Les cieux voulant monstrer tout ce que leur rondeur
Nous gardoit de plus beau, de plus rare, et plus digne,
Firent naistre ici bas ceste Princesse insigne,
En ses perfections, Rare Image d’honneur.
AUTRE
Marguerite de Rohan.
Ange heritier d’Amour.
Astre de l’univers, belle estoille du monde,
Qui de vos rais divins redorez nostre jour :
Puis qu’en grace et beauté vous estes sans seconde,
À bon droit je vous nomme, Ange heritier d’Amour.
