ble myserre en demandant expérience pour deffette, la ou vous connoysses sans votre ayde lynpuyseanse, comme vous temognera une ensenge que je vous envoyé ne vous requérant pour fyn de mes maleurs et commensement de bonne année sy non qui vous plesse que je vous soye quel[1] petyt de ce que infigniment vous mettes et serez sans cesser en la pensée. Ennatendant set heur de vous povoyr voyr et parler a vous syre le desir que jenne me presse de tres humblemant vous supplier que sy ce ne vous est ennuy le me ferre dire par ce porteur et hencontinent je partire fingnant aultre ocatcion et ny a facheux tamps ny penyble chemyn qui ne me soit converty en tres plesant et agreable repos et sy mobligeres tant et trop a vous et encoyre davantage, sy vous plet ensevelir mes lettres au feu et la parolle en silense aultrement vous renderyes
Pis que morte ma doloreuse vie
Vivant en vous de la seule espérance.
Dont le savoyr me couse l’assurance,
Sans que james de vous je me deffie.
Et sy ma meyn trop foyblement suplie
Votre bonté exqusera lynnorance
Pis que morte.
Par coy a vous seul je desdie
Ma voulente et toute ma puyssance
Resevez-la, car la persévéranse,
- ↑ Quelque. Marguerite a omis le signe qui devait figurer la dernière syllabe.
