Cette page a été validée par deux contributeurs.
295
DES INNOCENTS.
Car vn chacun me complaira,
Et biens & forces deſploira,
Pour acquerir mon amitié.
Hà, chacun pour moy s’emploira,
Puis que i’ay le Chriſt chastié.
Ie laiſſe à Dieu, de tous ſes cieux
La police & gouuernement ;
I’en quitte ma part ; aymant mieux
Regner en terre puiſſamment.
Viure veux plus ioyeuſement,
Que ie n’ay fait au temps iadis ;
En terre eſt mon contentement,
Garde bien Dieu ſon paradis.
LA NOVRRICE.
Helàs, Sire, Sire, voyez
Ce qu’à fait vostre Capitaine
Auec ſes gens deſuoyez
Contre vous ; Maiesté hautaine,
Vostre puiſſance ſouueraine
Puniſſe ce crime execrable
Par vne intolerable peine :
Vengez vostre filz tant aymable.
HERODES.
O vilain deſir de vengeance,
Et de regner l’ambition !
O trop hastiue diligence,
t 4 O impi
