Mille termes en un rond :
Pompeux d’ouvrages antiques
Et de haux piliers doriques
Elevez à double front.
L’airain, le marbre et le cuyvre
Font tant seulement revivre
Ceulx qui meurent sans renom :
Et desquelz la sépulture
Presse soulz mesme closture
Le corps, la vie et le nom.
Mais toi, dont la renommée
Porte d’une aile animée
Par le monde tes valeurs,
Mieux que ces pointes superbes
Te plaisent les douces herbes,
Les fontaines et les fleurs.
Vous, pasteurs que la Garonne
D’un demy tour environne
Au milieu de vos prez vers,
Faictes sa tumbe nouvelle,
Et gravez l’herbe suz elle
Du long cercle de ces vers :
Icy la Royne sommeille
Des Roynes la nonpareille
Qui si doucement chanta,
C’est la Royne Marguerite,
La plus belle fleur d’eslite
Qu’onque l’Aurore enfanta.
Page:Marguerite de Navarre - Les Marguerites de la Marguerite des Princesses, t. 1, éd. Frank, 1873.djvu/41
Le texte de cette page a été corrigé et est conforme au fac-similé.
