Le texte de cette page a été corrigé et est conforme au fac-similé.
A TRESILLUSTRE ET TRESCHRESTIENNE
PRINCESSE
MADAME LA PRINCESSE DE NAVARRE,
J. DE LA HAYE,
Son treshumble serviteur,
SOUHAITTE ENTIERE PROSPERITÉ.
lus tost verrons, ô illustre Princesse,
Totalement Dyane avoir prins cesse ;
Plus tost verrons les immortelz rayons
Du beau Phebus, que luire nous voyons,
Du tout esteints, et la vierge Tegée
Aux blonds cheveux en l'Océan plongée ;
Les quatre corps desquelz sont procédants
Tous autres corps, en nous tous discordants
Plus tost seront, et au rebours boutée
La Poulsiniere, et la voye lactée ;
Plus tost en l’air les poissons logeront,
Et les Oyseaux en la Mer nageront,
