Cette page a été validée par deux contributeurs.
De commander, contre la charite
Il ayme mieulx ſouffrir lauſterite,
La paſſion
Que donne a tous le dieu daffection
Et comme eſtant dautre condition
Veult s’aſſeruir,
Par ferme amour, par ſeur et long ſeruir
Et par vertuz, des dames deſſeruir
Bon traictement.
En deſpriſant force et commandement
Si luy plaiſoit il feroit autrement.
Mais ſon hault cueur
A ioinct lamour, la vertu et lhonneur
Qui la rendu de cruaulte vainqueur.
Parquoy la palme,
Louenge et gloire, et renommee et fame
Luy doit damour tout homme et toute femme.
Puis que luy ſeul
