Cette page a été validée par deux contributeurs.
Quil ſe voulloit de mon amour deffaire
Pour la remectre
Du tout en vous, ce que iamais permectre
Nauez voullu, mais bien vous entremectre
Par la pitye
Qu’auiez de moy, rabiller l’amytie,
Dont ie retiens moy ſeulle la moyctie.
Si vous auez
Peine a fuyr ce qu’aimer ne deuez
Que doy ie auoir ſinon les yeulx creuez ?
De lamenter,
Celuy qui tant me ſoulloit contenter
Qui ne me veult plus aymer ny hanter
Las ie le perdz.
Qui fut tout mien, et a beaulx yeulx ouuers
Le voy fouyr, non pas par les deſers
Ny lieu ſauuage.
Mais droict a vous et deuant mon viſage
