Cette page a été validée par deux contributeurs.
Elle le fuyt en tous lieux et touſiours.
Or a il bien maintenant le rebours
De ſon attente.
Mais de ſon mal ie ſuis ſi mal contente
Et en ſoubſtiens douleur ſi vehemente
Que plus nen puis.
Ie ſuis quaſi deſſus le bord de lhuys
De deſeſpoir, Et ne crains profond puitz
Ny haulte tour,
Ou voluntiers ſans eſpoir de retour
Ne me iectaſſe, pour deffaire lamour,
La paction,
Le ſouuenir, memoire, affection,
Qui de mon mal ſont generation
Si importable.
Et qui pis eſt ſi irremediable
Qu’a ma doulleur nen eſt nulle ſemblable.
Ie lay aymè
