Le texte de cette page a été corrigé et est conforme au fac-similé.
62
FARCE DES FILLES
La Seconde Fille.
Hau, grant Vieille, qui vous croiroit
En grand’ peine & douleur seroit,
Mais plus tost la mer haulseroit
Et le hault ciel s’abbaisseroit
Qu’il m’advint fortune pareille ;
Je ne croy point ceste merveille.
La Vieille.
Ma fille, par là passerez,
Et alors contrainte[1] serez
Dire : « La Vieille le m’a dict. »
La Première Fille.
Hau, de Dieu soit mon cueur maudit
Si je croy en vostre parolle.
La Seconde Fille.
Ny moy ; je ne suis pas si folle ;
Elle ne produict que malheur.
La Vieille.
Ha, vous aurez ung serviteur,
Qui vous fera propoz changer.
La Première Fille.
J’aymerois mieulx vifve enrager ;
Mon cueur sans amour demourra,
- ↑ Ms. : Contrainct vous.