Le texte de cette page a été corrigé et est conforme au fac-similé.
52
FARCE DES FILLES
Quand Amour s’attache
Au cueur qui n’a tache
De meschanceté,
Il luy donne grace,
Parolle & audace,
Pour estre acceptė.
Sans Amour, ung Homme
Est tout ainsi comme
Une froyde Idolle ;
Sans Amour, la Femme
Est fascheuse, infame,
Mal plaisante & folle.
Amour en tournoys
Fait porter harnoys
Et rompre les lances,
Picquer les chevaulx,
Faire les grans saultz
Et tenir les dances.
Qui n’ayme bien fort,
Il est salle & ort
Et très mal vestu ;
De bien est forclus,
Et ne vault pas plus
Qu’un pouvre festu.
J’ayme & suis aymée,
Prisée, estimée
D’un honneste & sage,