Page:Marguerite de Navarre - L’Heptaméron, éd. Lincy & Montaiglon, tome IV.djvu/169

155

PEU ET MOINS

Prou.

Pour les couvrir. Moy, de bonnetz,
De tocques, de touretz de nés,
De garde-colz & de cornettes.

Peu.

Point ne fault couvrir noz cornettes,
Car à les monstrer desirons.

Prou.

Tant de veloux nous deschirons,
Tant de drap d’or & de broché,
Que leur perthuys sera bousché,
Car elles sont par trop ouvertes.

Trop.

A fin que mieulx soient recouvertes^[1],
N’y espargneray^[2] or, ny toile,
Chapperon, ny cappe, ny voille,
Ny petis bonnetz neuf & beaux,
Ny un, ny deux, ny trois chapeaux,
Ny^[3] cinq cens, pour mieux les abbatre.

Prou.

Et des bonnetz, un, deux, troys, quatre ;
C’est bien pour leur faire une cappe.

1. Ms. : couvertes. — M.
2. Éd. : N’y espargnons ny. — M.
3. Éd. : Nos, qui n’a pas de sens. — M.