Le texte de cette page a été corrigé et est conforme au fac-similé.
152
TROP, PROU,
Peu.
Et tous noz ennuys & travaulx
Nostre corne tourne en tout bien.
Prou.
Plus heureux sont à n’avoir rien
Que nous ne sommes d’avoir tout.
Moins.
Ne pourriez vous trouver le bout
De vostre ennuy, pour l’arracher ?
Trop.
Helas, nous achetons bien cher
Un jour d’aise & parfaict repoz !
Peu.
Prenez plaisir à noz propoz,
Et riez.
Trop.
Las, je ne sçauroye,
Ne resjouir ne me pourroye,
Quoy que jamais peust advenir.
Moins.
Si un petit pouviez tenir
Mes cornes dedens voz oreilles,
Vous seriez joyeux à merveilles.
Vous plaist il un peu l’endurer ?
