Le texte de cette page a été corrigé et est conforme au fac-similé.
144
TROP, PROU,
Moins.
Si la corne y prend son attache,
Nul ne se peut de vous moquer ;
Peu.
Vous la verrez soudain chocquer
Ceux qui en mocquant sont chocqueurs ;
Trop.
Je ne crains rien que les mocqueurs,
Car je n’ayme riens que l’honneur.
Moins.
Et la joye qui est au cœur,
Ne l’estimez vous riens, mon Sire ?
Prou.
J’en suis bien loing ; las, je souspire
Pource qu’avoir je ne la puis !
Peu.
Pour quoy ?
Prou.
Pour la peyne où je suis
De cacher ces oreilles lourdes.
Moins.
Peult estre qu’elles sont si sourdes
Que vous n’en povez bien ouyr.
