Le texte de cette page a été corrigé et est conforme au fac-similé.
140
TROP, PROU,
Cela vous seroit réconfort
En lieu de meilleur excercisse.
Moins.
Je ne voy par dehors nul vice
En voz oreilles, ce me serible ;
Toutes deux les avez ensemble
Saines & nettes.
Prou.
Ouy bien,
Mais ne voyez vous pas combien
Elles sont grandes ?
Peu.
Demeurez ;
Fault il que pour si peu pleurez,
Veu qu’avez tout ce qu’il vous fault ?
Trop.
Las, tout nostre bien peu nous vault,
Et si nous empesche & nous nuit,
Car dessoubs ce bonnet de nuict
Ne puys musser ceste grandeur.
Prou.
Quand je pense en leur grand laydeur,
Je n’ay en riens contentement.
Moins.
Et en vostre beau vestement
N’y prenez vous plaisir ne gloire ?
