Le texte de cette page a été corrigé et est conforme au fac-similé.
122
TROP, PROU,
Peu.
Ilz ne peuvent trouver le bout ;
Hellas, ilz pensent avoir tout,
Mais ce tout là, qu’ilz disent leur,
Ce n’est en fin que tout malheur ;
Nostre Tout n’est pas de la sorte.
Moins.
Certes il fault que ce Tout sorte
De riens pour estre cher tenu.
Peu.
Il nous est donc bien advenu
D’endurer povretez extrêmes[1]
Et n’avoir riens, fors que nous mesmes.
Moins.
Mais un grand trésor nous avons,
Dont assez chanter ne pouvons ;
C’est noz cornes, avecques lesquelles
Nous sommes de toutes querelles
Desfenduz, voire, & substantez[2],
Peu.
Et de tous cas alimentez
Dont nous avons nécessité.
Moins.
Nous sommes hors de cécité
