Le texte de cette page a été corrigé et est conforme au fac-similé.
116
TROP, PROU,
Trop.
Avoir en un si parfait chef
Aureilles de bestes vilaynes !
Prou.
O qu’elles nous donront de peynes
Si du monde elles sont congneues !
Trop.
Il fault qu’elles soyent tenues
Soubz honnorable couverture.
Tous ces chapeaux à l’aventure
Mettray. Voyez s’il me vient[1] bien.
Prou.
Il me semble qu’il n’y fault rien.
Je voys ainsi aux miennes faire
Soubs ces bonnetz, pour contrefaire
Ce que nous sommes devant tous.
Or suis je bien ?
Trop.
Ouy bien vous ;
Prou.
Et vous aussi. Sus[2] donc, allons,
Et n’espargnons point noz tallons :
Il nous fault arpenter la Terre.
