Le texte de cette page a été corrigé et est conforme au fac-similé.
88
L’INQUISITEUR
Et qui leur romps les dentz
En leurs gueulles perverses.
Le Varlet.
llz n’ont procès ne controuverses ;
Ilz ont tout ; riens ne leur deffault.
Les Enfans.
C’est de toy, Dieu très hault,
De qui attendre fault
Vray salut & desfence ;
Le Varlet.
O que tant heureuse est l’enfance !
Les Enfans.
Qui sur tout peuple estendz,
Tousjours, en lieu & temps,
Ta grant bénéficence.
Le Varlet.
Je confesse qu’en innocence
N’y a rien que félicité
Et qu’au pris de leur congnoissance
Tout sçavoir n’est que cécité.
Croyez qu’ilz ont atteint le bout
Du repoz de l’entendement ;
L’Inquisiteur.
Que sçavent ilz ?